Традиционална посна баклава со ореви.

Посна парена баклава со бело вино и ореви.Моја препорака за посни слави празници или со кафе десерт.
Бидејќи брзо и лесно се подготвува и многу е вкусна,и има многу парчиња. Македонски традиционални десерти.
Направена по рецеот на Вера.Трајковска.
Состојки:
800  г. брашно
250г. бело вино
500мл. масло од сончоглед
250 г. гриз
1 прашок за пециво
1 ванилин шеќер
100-300г ситно сецкани ореви
Тава со пречник 30 см.
Лимон и сок од лимон

Шербет:
1 кг.шеќер
800 мл. Вода

Подготовка:
Во сад за месење ставете го брашното и гриз,ванилин шеќер и прашок за пециво.
Потоа постепено додавајте ги маслото и бело вино.
Додадете ги и оревите и убаво соединете ги сите состојки.
Тава за баклава намастете ја со масло и посипете со брашно.
Ставете ја смесата за баклава и ставете ја да се пече во загреана рерна на умерена температура.
Печете ја долго на 180 - 150 С.
Околу 45-50 минути.
Оставете ја да се лади и подгответе го шербетот.
Се става вода и шеќер да зоврие,10 минути.
На крај се додава лимон и сок од лимон.
Се пари ладна баклава со врел шербет.
Послужете ја за слава или празници, многу е вкусна, Македонски традиционални десерти.

Тетовски комат или посна баница со праз Веган доручек.

Tетовски комат или посна баница со праз Веган доручек и ручек. Многу вкусна македонска традиционална баница.
Случајно наидов на рецепт од една група,ама немаше постапка. И мојата пријателка од Тетово ми објасни како се прави,а за мене беше лесно за подготовка и бидејќи кај мене бабици се омилени,еве веќе ја правам давам и рецепт. Инаку оваа баница се прави и во Дебарско, и е многу вкусен доручек.

Состојки:
500г брашно т-400
1/4 коцка свеж квасец
1 лажичка мала сол
1 лажица шеќер -малку масло
 Топла вода по потреба
 За фил:пржен праз Масло за пита

Подготовка:
Во сад за месење ставете го брашното и квасец, ставете го шеќерот и масло, сипете малку топла вода и оставете го да отстои додека се истопи квасец.
Потоа додадете го сол,со топла вода замесете тесто со средна цврста структура.
Спремете го филот, исчистете го празот и исечете го на парчиња, и во тава ставете масло сол и малку вода динстајте го да омекне 10 мин.
Тесто поделете го на 5-6 топки.
За големата кора расукајте две топки и премачкајте ги со масло.
Ставете ги една врз друга и расукајте го во една голема кора.
Тавата за баница намачкајте ја со масло и ставете ја голема кора, напрскајте ја со масло и ставете дел од фил.
Дѓруги кори расукајте ги колку тава и редете ги преку фил,пак кора прскајте масло и пак фил.
На задната кора не се става фил. Со рацете краевите од голема кора превиткајте ги кон внатрешноста. Како што е на слики подолу.
Рерната се загрева на почетокот на работата и готова баница веднаш се прска со масло и става да се пече. Испечената баница се прска пред крајот со топла вода и враќа кратко во рерната. Се вади од рерна и покрива со кујнска крпа.
Се служи топла за појадок или ручек како посно јадење или Веган и Вегетаријански оброк.

Совет: ако имате повеќе топчиња од тесто потенки кори ќе имате и повкусна пита,а фил по вкус, урда, сирење и Др.