Посни погачки полнети со спанаќ меки вкусни тестенини.

Погачки полнети со спанаќ,посни и вкусни специјалитети. Оваа е рецепт за брз појадок, бидејќи не се стасува тестото. Се месат и веднаш формираат форми по желба, многу се меки и вкусни.За појадок и за деца за во школо или за оние што работат за носење на работа јадење.

 Состојки:
-400г брашно-т-400 -60 мл.сончогледово масло
-1/3 од коцка свеж квасец
- малку пециво
-топла вода по потреба
 - свеж спанаќ
-1 лажиче сол
- 1 лажиче шеќер
 -1 супена лажица јаболков оцет
 -масло со магдонос измешано за одозгора
 -посен рендан кашкавал за одозгора
 И сусам за посипување
 Подготовка:
 Ставете во сад брашно додадете го квасецот и шеќерот и сипете малку топла вода.
Оставете да се истопи квасецот и додадете ги пециво,сол и оцет.
Замесете убаво мазно тесто,оставете го да се опушти,и расукајте го.
Фил од спанаќ спремете го, измијте го исечете го на ситни парчиња и издинстајте го кратко, на вообичаен начин.
Пропржете го со масло и ставете сол по вкус. Од расучена кора со чаша вадете кругови како на сликата подолу.
 На половина кругови ставете од филот,а пак со други кругови покријте го филот.
Со вилушка од страна притиснете го тестото да се затворат краевите.
Малку масло и вода измешајте со сув магдонос и со четка поминете по површината на тестото.
А одозгора ставете рендан кашкавал,сусам и оставете ги погачките да стасаат само 30 минути. Печете ги во загреана рерна,на 180-200С,околу 15-20 минути.
Извадете ги,ако имаат цврста кора прскајте ги со малку топла вода и покријте ги.
Меки вкусни и брзи тестенини за секоја пригода,и за брзи гости и слично. Јас по желба на децата,правев и со сирење полнети погачки.

 

Сукани банички со праз и сирење вкусни специјалитети посни и мрсни.

Сукани банички со праз и сирење вкусни банички за појадок дружење и секоја друга пригода.

Вкусни лиснати кифлички со фил од сирење и праз домашни од арапска кујна.Сите ќе ве воодушеви вкусот и форма,за празници,и сите пригоди.
Рецепт:
600 г.брашно
1 мала лажичка сол
1 мала лажичка шеќер
5 лажици масло
Топла вода по потреба
15 г.свеж квасец- мало парче
За фил:
Пред исечен на парчиња и ситно сирење или урда.
Подготовка:
Во сад за месење ставете го брашното и шеќерот,во средината ставете го квасецот и сипете малку топла вода да се истопи.
Потоа додадете го маслото и сол, замесете убаво мазно тесто средно меко.
Поделете го тестото на 6 топки и оставете ги да се опушти тестото.
Расукајте кора од секоја топка и исечете ја на 4 дела како на сликата во видеото.
Напрскајте ја кората со масло и секој дел оформете го како на видеото.
Ставете фил на крај и завиткајте ја секоја мала пита како кога мотате сарма за филот да не испадне.
Наредете ги малите пити во форма на кифлички во наместена тава,се прскаат со уште малку масло.
Веднаш се печат на температура од 230 С...25 минути.
Пред крај се прскаат со топла вода и враќаат во рерна уште 2 -3 минути.
Се вадат од рерна и служат топли ,со јогурт или салата кисело млеко по вкус, превкусни се.

 
Многу вкусни и лесно се подготвуваат сукани банички со праз и сирење.

Посни колачи со тиква и брашно од хељда .

Здрав десерт и вкусни колачиња а воедно и Веган десерт,и вегетаријански.Моја креација и комбинација на вкусови и состојки.
Многу се вкусни колачиња и со посебна арома на морски орев,и ванила,и мала мирисна нота од тиква.
Одлични се за посни денови,и десерт со кафе.
Ако сакате и замена на шеќер со 🍯 мед имате вистински здрав десерт.
Состојки:
-110 г. растителен маргарин на собна температура
-4 супени полни лажици пире од варена тиква
-3 супени лажици браон шеќер или мед
-1 ванила шеќер
-3 супени лажици брашно од хељда
-10-11 супени лажици бело брашно т-400
-1/2 лажиче мелен морски орев
-3 полни супени лажици сок од портокал- газиран
-5 г.прашок за пециво
- малку рендана посна чоколада за одозгора
Подготовка:
Во сад за месење ставете го маргаринот и шеќерот или мед, додадете го и ванилин шеќер,и пире од тиква.
Со вилушка измешајте ги сите состојки убаво.
Потоа додадете сок од 🍊 портокал, брашно од хељда и белото брашно.
Ставете прашок за пециво и морски орев во прав.
Замесете го тестото убаво да се соединат состојките.
На набрашнета површина расукајте кора со декоративна сукалка, околу половина см.
Со калапи вадете форми по желба, кругови или месечини.
Редете ги колачињата во тава подмачкана со маргарин.
Печете ги колачињата на 200С, само 10 минути,штом се заруменат.
Пред крај на секое колаче ставете по малку рендана чоколада,и за една минута извадете ги колачињата.

Многу вкусен и здрав,лесен за подготовка десерт.
Совет:
-ако ставите мед мора и количина на брашно да се прилагоди.
Убав апетит..!

Здрав десерт со тиква киноа и пченица.

Десерт со тиква киноа и пченица навистина многу вкусно јадење. 

Ми се допадна ова комбинација,јас сакам да пробам и уште многу новини. 

Сакам да истражувам често,во кујната нови вкусови. Додека почнам да пишувам на блог со торти и колачи малку и овде ќе се посветам. 

Зошто сум на одмор во бања,а потоа пак ќе има нови рецепти кои веќе се подготвени и само да ги објавам...:) 

И сега уште рецепт за оваа здраво jaдење, Веган и Вегетаријански оброк.

Состојки:

Парче тиква- печенка

3 супени лажици пченица

3 супени лажици киноа

2-3 супени лажици браон шеќер

Млеко-или вода

Морско оревче во прав

Половина вреќичка ванила

Подготовка:

Тиквата измијте ја и исчистете ги семките и излупете ја.

Потоа исечете ја на помали парчиња и ставете ги во тенџере за подготовка.(прилагодете ги количини на состојки по ваша потреба).

Додадете ја и пченица,киноа семе, ставете го и шеќерот,ванилин шеќер и налијте со ладно млеко,колку да ги покрие состојките.

Ставете го тенџерето во рерна да врие на тивко,и за околу 30-40 минути десертот ќе биде готов.Треба да изврие вишокот на течност и само малку да остане.

Послужете го десертот изладен и посипете со мелен морски орев во прав.

Ќе имате многу вкусен десерт или ужина,А може и здрава вечера,и полно витамини,Веган десерт, вегетаријански оброк, здравје во чинија.

Интегрални солени грицки со мелени семенки.

Интегрални солени грицки со мелени семки од тиква, сончоглед и наут. Многу лесно се подготвуваат и се вкусни и можат да се поднесат кога одите на излет или за дружење со 🍺 пиво мезе.

Состојки:
100 мл.масло
100 мл.бело 🍷 вино
50 г. микс од мелени семки
 Брашно по потреба

Подготовка:
Вклучете ја рерната да се загрева на 180С.
Во сад ставете ги виното и масло,семенки семките сомелете ги ситно и додадете ги во сад со течни состојки.
 Додадете го и брашното и замесете средно меко мазно тесто.
 Расукајте го на набрашнета површина. Со нож за тесто сечете форми по желба. Ставете ги во тава обложена со масна хартија.
 Печете ги интегрални грицки на 180С 10-15 мин.
Послужете ги како мезе или ужина.

Мармалад од модри сливи и круши.

Мармалад од модри сливи и круши мој рецепт за домашен вкусен џем за мачкање на 🍞 со млеко или чај.Многу е вкусна мешавина од двете врсти овошје.
Состојки:
10кг.модри сливи
3кг.крушки било која врста
2 кг шеќер
Подготовка:
Овошките се мијат и чистат од семките и дршки,се мелат на машина за мелење месо или блендер.
Се ставаат во поголемо тенџере и се додава и шеќерот и се вари на шпорет мармалад.
Цело време се меша мармаладот да не загори,се додека се згусне убаво смесата.
Готов е кога ќе се познава трага од лажица кога ќе промешате.
Уште врел мармалад се собира во чисти и суви тегли се затвора убаво и завиткува во ќебе да се вакумираат теглите.
Многу е вкусен и за правење на колачиња и торти.

Брза погача со ржено брашно

Оваа погача е комбинација од пченично брашно и брашно од рж.Многу е вкусна и здрава,но и брзо се подготвува.
Состојки:
-300г.бело пченично брашно т-400
-2 супени лажици ржено брашно
-половина лажица мала сол
-4 лажици масло
-1/4 од коцка свеж квасец
-малку прашок за пециво
-малку и шеќер
- топла вода за месење
Подготовка:
Во длабок сад за месење ставете ги двете врсти брашно,малку пециво.
И направете длабнатина,ставете го квасецот и сол, ставете го и масло, и шеќер.
Сипете малку топла вода и оставете 10 минути, потоа замесете го тестото да биде средно меко.
Со сукало на набрашнета површина истенчете го малку.
Ставете го во набрашнета тава и оставете да отстои 45 минути.
Затоа време загрејте ја рерната на температура 200С,
Погачата избоцкајте ја со вилушка и ставете да се пече на намалена температура 180С,око ок 25-30 минути.
Многу е убава и убаво мириса,вистинска македонска домашна брза погача.
За доручек со сирење или други соодветни прилози вкусен оброк.